家長有冇經常覺得難以與仔女相處? 又或者明明好愛仔女，但係又唔識點樣表達?

親子之間嘅愛係需要好好表達出嚟！今日 #Stay屋企HK 將會介紹「愛的五種語言」，希望家長可以有效地傳達愛意，改善親子關係。

以下就係5種愛的語言：

肯定言語：父母可以多加稱讚和鼓勵仔女，令孩子感到被肯定和重視。 (詳情可參考 《讚美與鼓勵技巧》)

服務行動：透過具體行動來表達愛意，例如準備餐點、接送上下學等。

贈送禮物：透過送禮物嚟表達愛意。送禮應強調背後嘅心意，並非物質嘅價值，例如親手製作嘅生日卡。

精心時刻：專屬於親子之間嘅時光，關鍵在於高質量嘅交流和陪伴。 (詳情可參考《兒童主導之親子時間》)

身體接觸：透過親密嘅肢體接觸來釋出關懷與愛意，例如適時擁抱孩子等。

愛要及時，#Stay屋企HK 希望大家多多運用愛的語言。父母可先觀察和了解孩子最渴望嘅愛嘅形式，反思自己常表達嘅愛是否符合孩子最想要嘅愛。如果能以孩子最期望嘅方式傳達愛，無疑會使他們感受到更加深厚嘅愛意，進一步增強親子關係。