上次 #Stay屋企HK 分享咗意識情緒係情緒管理嘅第一步。當清楚覺察到自己當下嘅情緒，咁先可以有效地管理及調節情緒，從而減輕負面情緒對我哋嘅影響。

今次 #Stay屋企HK 將會分享何謂「健康情緒調節」:

1. 覺察情緒
能準確地覺察到自己正在經歷嘅情緒，並認清自己嘅感受和情緒規律。(詳情可參考 《管理情緒 - 情緒覺察》)

2. 接納情緒
無論情緒係正面定負面，應以非批判性嘅態度接納自己嘅感受。了解情緒本身並冇好壞之分，而係人類正常嘅情感反應，幫助我哋面對同接納情緒。

3. 適當地管理情緒
以健康同適合嘅方法來表達同處理自己嘅情緒，例如運動、冥想、或一些放鬆身心嘅練習。

而不健康嘅情緒調節方式包括但不限於：

• 認為自己無法影響情緒
• 避免經歷負面或強烈嘅情緒
• 使用不健康嘅方法處理或改變情緒
• 將自身情緒歸咎於自己或他人

每個人嘅情緒反應同調節策略都唔同，因此要嘗試去找出適合自己嘅情緒調節策略。透過合適嘅方法，咁先可以有效地管理情緒，進而幫助面對生活中嘅挑戰，保持心理健康。