牛奶又有營養又好飲，不過牛奶嘅保存期限相對短，有時買返嚟未飲哂，一下唔覺意就放到過咗期！

過咗期嘅牛奶雖然唔飲得，但仲有用途㗎，唔好就抌咁咗佢！其實牛奶係一個好好嘅天然清潔劑，可用嚟抹木製品，如家具、木製地板；又可用嚟抹皮製品，皮鞋、皮質家具都得！

首先將牛奶倒進盆入面，再加入多於牛奶兩倍嘅水稀釋攪拌均勻，用乾淨嘅抹布浸一下擰乾，用力抹一抹您要抹嘅地方，去除污垢效果非常好！抹完後再用清水抹多一次就完成喇～

如果屋企咁啱有過期牛奶，大家不妨試一試，唔好嘥咗佢！