近排天氣都比較凍，大家要注意保暖呀！

除咗要著多幾件衫保暖之外，屋企嘅室內溫度都要注意㗎！

喺冬天屋企最好維持喺18度至20度左右。大家可以用暖氣、電暖爐或暖風機去幫屋企提高溫度！如果冷空氣由窗邊吹入屋企，就建議將佢哋放喺窗邊，咁先可以令冷空氣變暖。

不過室溫超過20度，就唔需要開暖氣、電暖爐或暖風機喇。因為如果室內溫度太高，同室外溫差太大，反而會令身體難以適應！