踏入農曆年廿八，大家係唔係忙住大掃除，除舊佈新迎接新一年呢？

打掃屋企唔一定買強力清潔劑，日常生活都有好多天然清潔劑。今日 #Stay屋企HK 就同大家介紹另一個清潔好幫手 － 茶葉！茶葉除咗可以用嚟沖茶飲之外，佢仲係個好好嘅清潔劑。快啲睇下茶葉嘅隱藏清潔功能喇：

去除異味

將茶包曬乾後，放喺雪櫃、鞋櫃同衣櫃等地方可以幫助去除異味 。

去除鏡面水漬

將茶葉水倒入噴水壺中，喺鏡面上噴少量茶葉水再用抹布擦拭，快速去除水漬。

去除油膩碗碟

將污糟碗碟浸喺茶葉渣水入面，就有去油解膩嘅效果。

沖完嘅茶葉同茶包用完唔好抌咗佢，活用茶葉好好咁幫屋企大掃除！