之前分享咗端午節後可以換季，執好咗個衣櫃後有無多咗衣架用呢？

衣架除咗用嚟掛衫，仲有好多您意想唔到嘅用途！就等 #Stay屋企HK 同大家分享幾個衣架小妙用喇！

1 曬鞋架

將衣架兩端向上折起成山形，將鞋套入兩側，就可以用嚟曬鞋

2 垃圾桶

將兩個衣架交叉，套上垃圾袋就成為一個簡易垃圾桶

3 紙巾架

衣架中間剪開，再將卷裝廚房紙或衛生紙放進去，拉抽拿取非常方便

4 鍋蓋收納架

衣架下端拗出兩個微凸嘅波浪形，鍋蓋就可以放上去

5 報紙雜誌收納架

將衣架左右兩端各往下折，於中間嘅部分稀微拉開，做成一個書架嘅形狀

其實衣架仲有好多用途，今次介紹住咁多先！記得繼續 follow 我哋！