家姐同細佬成日揀飲擇食！佢哋嘅喜好各有不同，食飯最鍾意就係揀走唔鍾意嘅食物，搞到媽媽好頭痕！

面對小朋友偏食，多數家長都只係會強迫佢哋進食，但好多時候都係弄巧反拙。

想改善小朋友揀飲擇食問題， 家長們可以嘗試以下幾個方法：

鼓勵小朋友同食物互動，俾小朋友參與購買及準備食物嘅過程

煮顏色鮮艶嘅食物，引起小朋友對食物嘅興趣

預備健康調味醬汁，增加對食物嘅美味度及吸引性

時常準備新嘅食物，鼓勵嘗試接觸，仲可以同佢哋一齊食

盡量避免喺短時間內重覆以同樣煮食方法煮同一款菜式

多鼓勵，每天逐漸培養小朋友健康飲食嘅好習慣！