垃圾徵費將於2024 年8 月1 日正式實施喇！留家都希望大家可以做好垃圾分類回收，慳錢又可以為環境出一份力！

「藍廢紙黃鋁罐啡膠樽」大家一定聽過， 而且回收箱隨處可見，但都唔係咩都可以抌入去，就等環保達人爺爺教大家正確使用回收箱！
藍廢紙：主要集中回收「三紙」：包括報紙書刊、辦公室用紙及紙皮。若表面塗有塑膠成分嘅紙、無碳複寫紙及熱能感應紙，如包裝紙、紙杯、紙碟等，就唔可以回收
黃鋁罐：回收前要先除去非金屬附件，再要清洗容器及將鋁罐壓扁
啡膠樽：飲品膠樽、個人護理用品膠樽、乾淨膠袋、膠餐具、膠容器等都可回收；
若帶有金屬嘅塑膠產品、橡膠及矽膠產品同其他複合物料就唔可以回收
除咗以上3樣嘢可以回收外，仲有其他物料係可以回收，如四電一腦、充電池、玻璃樽、小型電器等，有得回收就一定要回收喇！

#Stay屋企HK 都提提大家回收前記得保持回收物件乾淨，如果唔係就會影響回收成效啦。