今個週末有咩好做？留喺屋企一家人一齊睇電影都係一個唔錯嘅親子活動！

今個週末 #Stay屋企HK 向大家推薦一部關於介紹情緒嘅電影 「Inside Out」，好適合一家大小喺屋企一齊去睇。呢套迪士尼電影「Inside Out」 故事圍繞人類內在情緒、感受同埋想法。電影中嘅小女孩腦中有自己5 位鮮明嘅情緒精靈，包括：Joy阿樂、Sadness阿愁、Anger 阿燥、Fear 阿驚同Disgust阿憎。劇情除咗有趣之外，同時亦帶出重要嘅情感教育，可以令大家學識更多關於情緒同埋健康嘅情緒調節。而且今年暑假將會出續集，係時候可以同小朋友重溫返第一集嘅電影內容！

#Stay屋企HK 希望家長透過電影幫助同埋陪伴孩子認識、感受並理解情緒，並且幫助佢哋學識如何處理情緒同埋探索自己嘅內心世界。