陪伴仔女係超重要！但係大家又清唔清楚點先為之「真正」嘅陪伴呢？其實有質素嘅陪伴並非單純花時間留喺孩子身邊咁簡單。今日 #Stay屋企HK 想同各爸媽分享一個方法，稱為 「兒童主導之親子時間」！希望大家學識呢招，咁就可以建立有質素嘅親子時間，拉近親子關係。

<跟隨孩子的領導>

這段時間應由孩子主導，讓小朋友發揮他們的領導才能，而父母則跟隨孩子嘅興趣和想法去做。

<鼓勵並尊重孩子的想法和意見>

父母可適時詢問孩子嘅想法，例如：「我哋應該玩咩好呢? 」重點係鼓勵和尊重佢哋嘅想法和意見，令孩子感受到係愛啊！係尊重啊！嘅感覺 

<避免過多指令, 以描述性方式引導學習>

父母可以從旁留心觀察仔女，給予仔女時間去思考同探索。有需要時，可以喺跟隨仔女領導嘅情況下，以描述性方式引導他們學習。

例如：當你觀察到仔女嘅動作，同時又想教導佢手上物件嘅名同顏色。你可以講: 「您手上玩緊嘅紅色玩具車，好靚喎！」

<享受當下美好嘅親子時光>

減少令您分心嘅事物，全心全意陪伴仔女，享受當下，令小朋友感受到父母嘅愛同重視。

各位家長喺這段時間內又會想同小朋友一齊做咩呢? 歡迎留言話比我哋知～