唔知大家有無聽過自我關懷 (self-compassion)呢？

當我哋面對困難同挫折時，可能會成日將失敗歸咎於自己、抱怨和批評自己嘅不足。然而，過多嘅自我批評會影響到我哋嘅情緒健康。自我關懷意思係能夠關懷及體諒自身所面對嘅困境，以接納嘅態度去善待自己。我哋可能成日都會關心自己嘅朋友同家人，卻忽視咗關心自己，但關心自己都係好重要!!!

「自我關懷」主要包括三個元素：善待自己 (self-kindness)、共同人性 (common humanity)和靜觀 (mindfulness):

1. 善待自己(Self-kindness)－當我們面對失敗或痛苦嘅時候，應該避免對自己進行嚴厲的批評，而係選擇用關懷、支持同理解嘅態度來善待自己。這種善待自己能幫助我們更好地應對困境。

2. 靜觀 (mindfulness)－靜觀係讓我們不加批判地，以一個接納和開放的態度去覺察自己嘅思想和情緒，減少負面情緒所帶來嘅影響。

3. 共同人性 (common humanity)－認識到你唔係一個人，而其他人都經歷緊類似嘅情況。意識到人本來就係唔完美，每個人都會有做錯、做不好和脆弱嘅時候，這是所有人都會遇到嘅事。因此，不需要過分苛刻地要求自己，要接受自己嘅不完美。

記住每個人都值得被關懷嘅，尤其係自己。所以面對困難和挑戰時，#Stay屋企HK 希望大家可以好好關懷自己，維持心理健康同幸福感。