爸爸依家日日留喺屋企WFH，坐多過企呀！郁都唔多郁下！肚腩愈嚟愈大～
　　
肚腩大除咗係腹部肥胖之外，仲可能代表有其他問題，例如：內臟脂肪多，代謝症候群，仲有衍生好多如心臟病、糖尿病嘅慢性病㗎。
　　
根據衞生署衞生防護中心資料顯示：男性腰圍要係90厘米內；女性則係80厘米內，如果唔係就係中央肥胖啦。
　　
留喺屋企無論係返工定係放假，都要郁動多啲，仲要健康飲食。如果唔係肚腩就愈嚟愈大，咁就弊啦！