你係唔係每朝都係賴床賴到最後一刻先起身呢？但原來冬天最好係要賴一下床㗎！

點解？因為被窩與室內溫度可能有10幾度嘅溫差，所以冬天最好賴床5至10分鐘，落床前先郁一郁暖暖身體，或者披一件外套，確保身體適應溫度差再落床。

雖然建議大家喺冬天賴一下床先落床，但記得賴床還賴床，返工返學唔好遲到呀！